കോതമംഗലം: സന്തോഷ് ട്രോഫി ദേശീയ ഫുട്ബോൾ ചാന്പ്യൻഷിപ്പിനുള്ള ലക്ഷദ്വീപ് ടീമിന്‍റെ സഹപരിശീലകനായി, കോതമംഗലം സ്വദേശി ബിനു വി. സ്കറിയ. കേരള സ്റ്റേറ്റ് സബ് ജൂണിയർ, ജൂണിയർ ടീമുകളുടെ മുൻ പരിശീലകനായിരുന്ന ബിനു വി. സ്കറിയ ഇപ്പോൾ കോതമംഗലം മാർ ബേസിൽ സ്കൂൾ ഫുട്ബോൾ അക്കാദമിയുടെ മുഖ്യപരിശീലകനാണ്.
മുൻ ഇന്ത്യൻ ഇന്‍റർ നാഷണലും ജൂണിയർ ഇന്ത്യൻ ടീം പരിശീലകനുമായ ഫിറോസ് ഷെരീഫാണ് മുഖ്യപരിശീലകൻ.
ഇരുപത്തഞ്ച് അംഗ ടീമിന്‍റെ പരിശീലനം ലക്ഷദ്വീപിലും കൊച്ചിയിലുമായി പൂർത്തിയായി. ആതിഥേയരായ കേരളം, പോണ്ടിച്ചേരി റെയിൽവേസ് എന്നീ ടീമുകളാണ് ലക്ഷദ്വീപിന്‍റെ ഗ്രൂപ്പിലുള്ളത്.
20 മുതൽ കോഴിക്കോടാണ് സന്തോഷ് ട്രോഫി ഫുട്ബോൾ ചാന്പ്യൻഷിപ്പ്.
