കോതമംഗലം: സ്വകാര്യ ബസ്സും ബൈക്കും കൂട്ടിയിടിച്ച് അപകടം. തെറിച്ചു വീണ ബൈക്ക് യാത്രക്കാരൻ മരിച്ചു. ഇന്നലെ വൈകിട്ട് 6.45 ഓടെ കൊച്ചി -ധനുഷ്കോടി പാതയിലെ നെല്ലിമറ്റത്തിന് സമീപമായിരുന്നു അപകടം
ഊന്നുകൽ വെള്ളാമകുത്ത് തടത്തിക്കുടിയിൽ അനിൽ (32) ആണ് മരിച്ചത്. മരപ്പണിക്കാരനായിരുന്നു.
കട്ടപ്പനയിൽ നിന്നും എറണാകുളത്തേക്ക് പോവുകയായിരുന്ന സ്വകാര്യ ബസും അനിൽ സഞ്ചരച്ചിരുന്ന ബൈക്കും കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ അനിൽ റോഡിൽ തെറിച്ചു വീണു.
ഗുരുതരമായിപരിക്കേറ്റ ഇയാളെ ഉടൻ കോതമംഗലത്ത് സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പിതാവ് തങ്കൻ, മാതാവ് ഗൗരി ,സഹോദരങ്ങൾ അജീഷ്, അനീഷ് , ഷിജി , സിനി
